Բարի գալուստ իմ գիտելիքների և ուսումնասիրությունների աշխարհ: Ես դոկտոր Եվա Ալեքսանյանն եմ, տնտեսագետ, ով առաջնորդվում է գիտելիքներով կիսվելու աննկուն կիրքով: Իմ ակադեմիական ուղին անցել է այնպիսի հաստատություններով, ինչպիսիք են Հայաստանի Պետական Տնտեսագիտական Համալսարանը (Կառավարման մասնագետի կոչում), Ուիլյամս Քոլեջը (Տնտեսական Քաղաքականության մագիստրոսի կոչում) և Կոլորադոյի Պետական Համալսարանը (Տնտեսագիտական գիտությունների դոկտորի կոչում): Ինձ բախտ է վիճակվել ծառայելու Հայաստանի կառավարությանը, մասնակից լինելու լայնածավալ հետազոտական նախաձեռնությունների՝ ինչպես Հայաստանում, այնպես էլ Միացյալ Նահանգներում, խորհրդատվական ծառայություններ մատուցել տարբեր կառավարությունների և կրթել ուսանողների Կոլորադոյի Պետական և Դենվերի համալսարաններում: Որպես հետազոտող, խորհրդատու և դասավանդող՝ իմ գործունեության ընթացքում նկատել եմ, որ մարդիկ միշտ էլ ձգտում են հասանելի գիտելիքների։ Սակայն ինֆորմացիոն տարափի և տեղեկատվության հեշտ հասանելության հետ մեկտեղ՝ փաստերի հստակ ըմբռնումն ավելի ու ավելի է դժվարանում: Իմ նպատակն է կամուրջ հանդիսանալ՝ այս բացը լրացնելու համար: Ես հրավիրում եմ ձեզ մասնակից դառնալ World and Me Project-ի հետաքրքրաշարժ ճանապարհորդությանը: Միասին մենք կարող ենք բարելավել մեր աշխարհը՝ կիրառելով գիտելիքի ուժը: